محبت
فونٹ سائز:
یہ تحریر سنئے
مطالعہ کا انداز:
فل اسکرین دیکھیں
محبت نام ہے جس کا وہ اک آنسو کا قطرہ ہے
محبت نام ہے جس کا وہ ارمانوں کا شعلہ ہے
محبت نام ہے جس کا وہ آہوں کا فسانہ ہے
محبت نام ہے جس کا وہ سانسوں کا ترانہ ہے
محبت درد ہے دل کا محبت دل کا درماں ہے
محبت سوز ہے دل کا محبت ساز جاناں ہے
محبت راگنی بھی راگ بھی تانا بھی بانا بھی
محبت درس عبرت ہے محبت تازیانہ بھی
محبت ہی سے پائی حسن نے یہ ناز برداری
محبت ہی نے سکھلائے ہیں آداب وفاداری
محبت پیاس بھی دریا بھی صحرا بھی سمندر بھی
محبت شاہ بھی ہے اور گدا گر بھی قلندر بھی
محبت ہی سے روشن آدمی کی زندگانی ہے
محبت ہی سے زندہ آدمیت کی کہانی ہے
محبت ہے اگر دل میں تو زندہ ہے شرافت بھی
محبت خود سکھا دیتی ہے آداب محبت بھی
محبت اک سفر ہے شوق سے دیوانگی تک کا
محبت اک سفر ہے ہوش سے بیگانگی تک کا
محبت اک سفر ہے عیش سے درماندگی تک کا
محبت اک سفر ہے چاہ سے بیچارگی تک کا
محبت اک سفر ہے آنسوؤں کے مسکرانے کا
محبت اک سفر ہے دھڑکنوں پر چوٹ کھانے کا
محبت اک سفر ہے قہقہوں کے ٹوٹ جانے کا
محبت اک سفر ہے خواہشوں کے روٹھ جانے کا
ہزاروں رنگ ہیں اس کے ہزاروں روپ ہیں اس کے
بدلتے وقت میں جاناں کئی بہروپ ہیں اس کے
کبھی سپنے دکھاتی ہے کبھی سپنے چراتی ہے
کبھی نیندیں اڑاتی ہے کبھی لوری سناتی ہے
کبھی آباد کرتی ہے کبھی برباد کرتی ہے
کبھی بے بس بناتی ہے کبھی شہزاد کرتی ہے
کوئی ہم کو نہیں ملتا کسی کو ہم نہیں ملتے
یہاں چوٹیں تو ہوتی ہیں مگر مرہم نہیں ملتے
مسلسل زخم کھاؤ مسکراؤ انتہا کر دو
برابر ہے کہ خود کو آزماؤ یا فنا کر دو
مگر اک بات بتلاؤں حقیقت تم کو سمجھاؤں
نہ ہو بار سماعت تو تمھیں یہ راز بتلاؤں
محبت ایک دولت تھی محبت ایک نعمت تھی
محبت کاسہ غربت میں بھی اک جاہ و حشمت تھی
مگر دنیا نے اس معصوم کو بد نام کر ڈالا
اسے گمراہ کر ڈالا اسے گمنام کر ڈالا
محبت صرف افسانوں میں ملتی ہے دکھانے کو
محبت صرف ایوانوں میں ہوتی ہے جتانے کو
کسی سے دل لگانے کی جسارت تم نہیں کرنا
کہ میں نے کر کے دیکھی ہے محبت تم نہیں کرنا
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
