ڈاکٹر حافظ عبدالعلی حامد الأزہری رحمہ اللہ
فونٹ سائز:
یہ تحریر سنئے
مطالعہ کا انداز:
ڈاکٹر حافظ عبدالعلی حامد الأزہری رحمہ اللہ
(2021-1943ء)
ذہانت، فکر و فن، حفظ و نظر، تحقیق ارزانی
وقار و نظم و ضبط و علم و دانش کی فراوانی
بہت معروف تھی فہم و فراست اور زباں دانی
ہوئے تھے معترف بس چند ہی لمحوں میں الباؔنی
نگاہِ شوق میں عبدؔالعلی کا نام عالی ہے
بہت افسوس اب اس باہنر سے بزم خالی ہے
قرینِ حق جو تھے اسلاؔف ان کی ہوشیاری ہے
دبستانِ مئوؔ کا فیض جو ہر سمت جاری ہے
بہت حد تک ابھی اخلاف میں بھی جاں نثاری ہے
وہی علم و ہنر ہے، فیض ہے اور آب شاری ہے
دبستانِ مئوؔ سے ہی تھا مردِ حق یہ وابستہ
یہیں سے وا ہوا ہے اس کے علمی شوق کا رستہ
جناب مقتدؔیٰ کی اور مظہرؔ کی رفاقت تھی
قرینِ رشک، علمی قافلے کی یہ سعادت تھی
بہت مشکل سفر تھا، پر جو جذبے میں صداقت تھی
تو پھر شوقِ طلب میں جو پریشانی تھی، راحت تھی
خوشا! یہ قافلہ پھر منزلِ مقصود کو پہنچا
وہ دانش گاہ یعنی ’ازؔہرِ‘ محمود کو پہنچا
حیات ان کی جو گذری وہ سفر سے ہی عبارت تھی
وجہ سیر و سیاحت کی، فقط علمی مہارت تھی
انھیں منصب کی خواہش تھی، نہ ہی خوئے صدارت تھی
عجب گفتار میں حکمت تھی، دانش تھی، بشارت تھی
دکھایا رنگ اپنا ربّ عالی کی کرامت نے
لیا آغوش میں اپنی جو لندؔن کی اقامت نے
تھا مصلحؔ مدتوں سے مردِ حق حامدؔ کا گرویدہ
ہے ان کی یاد میں اب چشم پر نم، قلب رنجیدہ
نصیحت، علم و حکمت، بزم میں آداب سنجیدہ
ہے اپنا تجربہ ذاتی ’’شنیدہ کے بود دیدہ‘‘
بہت اوصاف تھے موجود اپنے اس جیالے میں
’’خدا بخشے بہت سی خوبیاں تھیں مرنے والے میں‘‘
(یکم جنوری 2022 بروز سنیچر)
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
