رفتار ہے بلا کی زمانے کی چال میں
فونٹ سائز:
یہ تحریر سنئے
مطالعہ کا انداز:
کوئی کسر نہ چھوڑی گئی دیکھ بھال میں
دل پھر بھی پھنس گیا تری زلفوں کے جال میں
عہد شباب تجھ کو مبارک ہو اے حسیں!
آنکھیں الجھ رہی ہیں ترے خد و خال میں
دل اس کو دیکھتے ہی دھڑکتا ہے زور سے
کچھ تو ضرور بات ہے اس خوش خصال میں
دنیا کی بندشوں سے پرے ہے ہمارا عشق
ہم اس سے روز ملتے ہیں خواب و خیال میں
اجسام کا خیال اگر درمیاں نہ ہو
کچھ فرق پھر کہاں ہے فراق و وصال میں
میرے دل و دماغ میں چلتا ہے جو سماں
آیا نہ ہوگا یاروں کے وہم و خیال میں
جو خاک جمع کرتے ہوئے عمر کٹ گئی
تقسیم ہو رہی ہے اب اہل و عیال میں
اک پل نے مجھ کو زخم کچھ ایسا عطا کیا
گزری تمام عمر مری اندمال میں
دیکھا جو عکس آہ بھری ہر بزرگ نے
رفتار ہے بلا کی زمانے کی چال میں
خوشیاں ہمیں تلاش رہی ہیں یہاں وہاں
ہم کتنی دور آ گئے راہِ ملال میں
گتھی سلجھ نہ پائی کبھی زندگی کی شاد!
الجھے رہے سب اہل خرد قیل و قال میں
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
