ہر دم یہی لگتا ہے یہ آخری دم ہوگا
فونٹ سائز:
یہ تحریر سنئے
مطالعہ کا انداز:
اک قطرہ اگر ساقی پیمانے سے کم ہوگا
مے خانے میں ہنگامہ اللہ قسم ہوگا
کیا خوب من و تو کا سامان بہم ہوگا
کعبے کے صنم ہوں گے اور میرا صنم ہوگا
اس کاکل پیچاں میں اس عارض سیمیں پر
جاں جائے چلی جائے دل جانے کا غم ہوگا
پینے سے کہیں زیادہ چھلکائیں گے لازم ہے
زہاد کے ہاتھوں میں جب ساغر جم ہوگا
بے کیف مناظر ہیں، چھن جائے نہ بینائی
اے صورت فردوسی کب تیرا کرم ہوگا
تھی خط کے لفافے پر اشکوں کی نمی باقی
کہتا ہے بت کافر برسات کا نم ہوگا
پھر بت ہی سکھائیں گے آداب خداوندی
جب جھوٹے خداؤں سے آباد حرم ہوگا
کرتا ہے بیاں واعظ یوں فاصلہ جنت کا
لگتا ہے کہ مسجد سے دو چار قدم ہوگا
آکر وہ سر محفل پہلو میں اگر بیٹھے
کتنوں کے جلیں گے دل کتنوں پہ ستم ہوگا
ڈھک دیتا ہے مژگاں کو مہمانِ سر بالیں
ہر دم یہی لگتا ہے یہ آخری دم ہوگا
ناصح نے بہت چاہا مانا نہ حسٓن نے کچھ
محشر میں غرض اپنا سر شرم سے خم ہوگا
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
