کردار ترا آئنہ خانہ ہے ہمارا
فونٹ سائز:
یہ تحریر سنئے
مطالعہ کا انداز:
انداز جو دنیا سے یگانہ ہے ہمارا
کردار ترا آئنہ خانہ ہے ہمارا
روشن ہے ترے نام سے پہچان ہماری
زندہ ترے دم سے ہی فسانہ ہے ہمارا
جو فعل ہے تیرا وہ روایت ہے ہماری
جو قول ہے تیرا وہ ترانہ ہے ہمارا
چلتے ہیں تری راہ نمائی میں مسلسل
تو روک دے جس جا وہ ٹھکانہ ہے ہمارا
جو تو نہیں کچھ بھی نہیں کچھ بھی نہیں واللہ
تو ساتھ اگر ہے تو زمانہ ہے ہمارا
ہم تو ترے ابرو کے اشارے پہ فدا ہیں
جو تیرا ہدف ہے وہ نشانہ ہے ہمارا
رہتے ہوں کسی شہر کسی قصر میں لیکن
دل سوئے مدینہ ہی روانہ ہے ہمارا
کیا خوبیِ قسمت ہو کوئی شاد کو پوچھے
اور آپ بتائیں کہ دِوانہ ہے ہمارا
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
