یہ تخت و تاج کے مالک بھی مر ہی جائیں گے
فونٹ سائز:
یہ تحریر سنئے
مطالعہ کا انداز:
یہ تخت و تاج کے مالک بھی مر ہی جائیں گے
پھر ان کو لوگ جلائیں گے یا دبائیں گے
کیا ہے عہد جو تم سے اسے نبھائیں گے
بہ روزِ حشر بھی تم کو نہ ہم بھلائیں گے
تمھارے واسطے پلکیں بھی ہم بچھائیں گے
تمھارے واسطے دنیائے دل سجائیں گے
ہماری خوشیوں میں مہمانِ خاص ہوگے تم
تمھارے ساتھ مسرت کے گیت گائیں گے
وہ دن بھی آئے گا چھولیں گے آسماں کو ہم
وہیں پہ رہنے کو پھر اک مکاں بنائیں گے
ابھی تو اترے ہیں ہم بس تمھاری آنکھوں میں
کچھ انتظار کرو دل میں بھی سمائیں گے
پھر اِس حسین تعلق کے بعد یوں ہوگا
تو روٹھ جائے گا اور ہم تجھے منائیں گے
یہ حاسدین کو میرا پیام دے دیجیے
حسد وہ کر کے سبھی نیکیاں گنوائیں گے
وہ دن بھی آئے گا اور بالیقین آئے گا
تمھارے ظلم کی بنیاد ہم ہلائیں گے
ہم ایسے لوگ ہیں جو آخرت کو مانتے ہیں
ملیں گے موت سے جس وقت، مسکرائیں گے
یہ کر بھی سکتے ہیں کیا چوڑی بیچنے والے
ہنروروں کے لیے چوڑیاں بنائیں گے
کبھی عطا سے ذرا تخلیے میں مل لیجیے
حیات چیز ہے کیا؟ آپ کو بتائیں گے
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
