رات میں تاخیر سے پہنچا جو گھر
فونٹ سائز:
یہ تحریر سنئے
مطالعہ کا انداز:
رات میں تاخیر سے پہنچا جو گھر
گھور کر بیگم نے ڈالی اک نظر
پوچھ بیٹھیں مجھ سے اب تک تھے کدھر
ڈر کے مارے کہہ اٹھا کوثر کے گھر
یہ نہ پوچھو بعد میں پھر کیا ہوا
پِٹ رہا تھا سلسلہ در سلسلہ
جھاڑو، چپل اور جوتا چھوڑیے
لات گھونسہ اور بیلن بھی پڑا
گالیوں کے ساتھ پیٹا بھی گیا
سر کے بل مجھ کو گھسیٹا بھی گیا
ایک مُکّا منہ پہ پھر ایسا جڑا
خون کا کچھ چھینٹا ان پر بھی پڑا
پھر نہیں معلوم مجھ کو کیا ہوا
ہاں مگر بچوں سے یہ کہتے سنا
ہوکے جب بے ہوش میں گھر میں گرا
پھر ذرا سا چین بیگم کو ملا
درد سے یوں ہو گیا تھا میں نڈھال
مجھ کو پہنچایا گیا پھر اسپتال
خون اتنا بہہ چکا تھا جسم سے
دیکھ کر نرسیں ہوئیں بے حد ملال
اک طلب پر ڈاکٹر بھی آگئے
درد کش کی دی گئی مجھ کو دوا
اور پھر دو ایک انجیکشن کے بعد
زخم میں میرے وہاں ٹانکا لگا
آخرش جب ہوگئی راحت مجھے
گھورتی ان کی ملی صورت مجھے
دیکھ کر بیگم کو پوری ہوگئی
رات سے جتنی بھی تھی حاجت مجھے
اٹھ گیا میں ہاتھ فورا جوڑ کر
رکھ دیا قدموں پہ ان کے اپنا سر
اور کہا کہ معاف کر امِّ پسر
پھر نہ اب میں دیر سے آؤں گا گھر
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (1)
خ
خبیب حسن
3 مارچ، 2019😍😍🤪🤪
