راہ میں جب بھی کوئی جلتا دیا پاؤ گے
فونٹ سائز:
یہ تحریر سنئے
مطالعہ کا انداز:
راہ میں جب بھی کوئی جلتا دیا پاؤ گے
بالیقیں اس کے مقابل میں ہوا پاؤ گے
خود سے کترا کے نکل جانا ہی اچھا ہوگا
یہ وہ پتھر ہے جسے تم نہ ہٹا پاؤ گے
کوئی بھی رنگ کسی طرح بھرو نقاشو!
کیا مری روح کی تصویر بنا پاؤ گے
میں امانت میں خیانت نہیں کرنے والا
جب بھی آؤ گے مرا زخم ہرا پاؤ گے
تم تو کہتے تھے فقط میں ہوں تمھاری دنیا
یہ بتاؤ کہ مجھے چھوڑ کے کیا پاؤ گے
راس آتا ہے ابھی عشق تو خوش فہمی کیا
جرم ہو جائے گا ثابت تو سزا پاؤ گے
شاد! تم خود کو سمجھتے ہو بہت عالی ظرف
کیا کبھی دوست سے دشمن کو بچا پاؤ گے
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (1)
ص
صفی الرحمن سلفی
30 ستمبر، 2019میں امانت میں خیانت نہیں کرنے والا
جب بھی آو گے مرا زخم ہرا پاو گے
شاندار ترجمانی۔ لاجواب ترکیب
باری تعالی آپ کے نوک قلم میں مزید ترقی و عروج بخشے آمین
