نفرت کی اس وبا میں الفت کو عام کردے
فونٹ سائز:
یہ تحریر سنئے
مطالعہ کا انداز:
نفرت کی اس وبا میں الفت کو عام کردے
انصاف کا وطن میں قائم نظام کردے
اپنے ہی حق کی خاطر جو لوگ لڑ رہے ہیں
دے حوصلہ انھیں اور اعلی مقام کردے
دلی ہو یا علی گڑھ آسام ہو یا لکھنؤ
ہر شہر میں تو اپنی رحمت مدام کردے
یہ زورِ ظلم یا رب اب حد سے بڑھ چکا ہے
اس ظلم کی خدایا اب تو، تُو شام کردے
ہم کو ہمارے گھر سے چاہے ہیں یہ بھگانا
یہ جس کے مستحق ہوں وہ انتظام کردے
بندوں پہ تیرے کتنا یہ ظلم کررہے ہیں
ان ظالموں کا یا رب! جینا حرام کردے
یہ شانتی کے دشمن ہوجائیں چھلنی چھلنی
ان کے بدن میں یا رب! اتنے مسام کردے
انساں کے بھیس میں جو حیواں بنے ہوئے ہیں
تو ظاہراً بھی ان کو مثلِ انام کردے
باطل کے زور سے جو یہ ہوگئی ہے بھاری
اس کیتلی کو یا رب! بارہ گرام کردے
ہم تیرے دشمنوں سے بے تیغ لڑ پڑے ہیں
ہمت ہی اسلحوں کے قائم مقام کردے
ہوں قابلِ ہدایت، تو ان کو رہ دکھا دے
ورنہ تو کام ان کا یا رب! تمام کر دے
اللہ ترے حضور یہ اسعد کی التجا ہے
ظلمت کے دور کا تو اب اختتام کردے
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
