مرے صحابہ کو گالی نہ دو خدا کے لیے
فونٹ سائز:
یہ تحریر سنئے
مطالعہ کا انداز:
زمانے بھر میں نہ تھا ان سے کوئی بھی بہتر
خدا کے بندوں میں وہ لوگ سب سے تھے بڑھ کر
وہ نیک خو تھے اور امن و اماں کے تھے پیکر
زمانہ ان کو نجیب و شریف کہتا تھا
نبیٔ امّی کے اطوار کے تھے وہ خوگر
رسول پاک نے اس واسطے یہ فرمایا
مرے صحابہ کو گالی نہ دو خدا کے لیے
انھیں بُرا نہ کبھی تم کہو خدا کے لیے
جہاں بھی پہنچے ہیں اسلام لے کے وہ پہنچے
خدا کے دین کا انعام لے کے وہ پہنچے
رسولِ امّی کا پیغام لے کے وہ پہنچے
جہانِ کفر و ضلالت کے تیرہ زاروں میں
فروغِ طور کا اتمام لے کے وہ پہنچے
رسولِ پاک نے اس واسطے یہ فرمایا
مرے صحابہ کو گالی نہ دو خدا کے لیے
انھیں بُرا نہ کبھی تم کہو خدا کے لیے
انھوں نے دین پہ سب کچھ لٹا دیا یارو
خدا کی راہ میں خود کو مٹا دیا یارو
سروں سے دار و رسن کو سجا دیا یارو
متاعِ جان و دلِ پاک لے کے ہاتھوں میں
خدا کے دین کا ڈنکا بجا دیایارو
رسولِ پاک نے اس واسطے یہ فرمایا
مرے صحابہ کو گالی نہ دو خدا کے لیے
انھیں بُرا نہ کبھی تم کہو خدا کے لیے
خدا کے نام سے سولی پہ چڑھ گئے ہنس کر
مقابلہ کیا دشمن کا خوب بڑھ بڑھ کر
پچھاڑ ڈالے ہیں میداں میں کتنے ہی لشکر
وہ شیر دل تھے بہادر تھے اور تھے جانباز
گواہ اس پہ ہے اللہ رے غزوۂ خیبر
رسول پاک نے اس واسطے یہ فرمایا
مرے صحابہ کو گالی نہ دو خدا کے لیے
انھیں بُرا نہ کبھی تم کہو خدا کے لیے
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
