اور بھٹکتا رہا اشعار میں پیارا معنی
فونٹ سائز:
یہ تحریر سنئے
مطالعہ کا انداز:
ادب آداب کی آنکھوں کا ستارہ معنی
لفظ کے سامنے کیوں ہارا ہمارا معنی؟
جیسے تیسے یہ عبارت تو پڑھادی تم نے
ہم نہ سمجھے ہمیں سمجھاؤ تو سارا معنی
سارے لفظوں کو ادیبوں نے بنایا دلہن
اور بے چارہ ہمارا یہ کنوارہ معنی
خود کو لفظوں کی غلامی سے بچایا ہم نے
مدعا پیش نظر رکھا نکھارا معنی
پر سکوں نیند کی آغوش میں سویا جب وہ
پیکر خواب میں چپکے سے اتارا معنی
رکن سارے مری وحشت کے تماشائی تھے
بس مرے ساتھ یہی آیا بے چارہ معنی
کتنی مشکل سے ملا ہے یہ تمھیں کیا معلوم
چومنے دو مجھے اک بار خدارا معنی
رات بھر ہم نے جلایا ہے تخیل کا چراغ
پھر اسی لو سے بڑی دیر سنوارا معنی
شاعری یوں تو مزین تھی حسن لفظوں سے
اور بھٹکتا رہا اشعار میں پیارا معنی
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (1)
ع
عطا رحمانی
2 دسمبر، 2020بہت عمدہ غزل ہوئی ہے جناب!
