ایمان کی نشانی ہے الفت حضور کی
فونٹ سائز:
یہ تحریر سنئے
مطالعہ کا انداز:
رحمت کے واسطے ہوئی بعثت حضور کی
واللہ! کیا ہی خوب ہے عظمت حضور کی
میں ناز اپنے بخت پہ آخر نہ کیوں کروں
حاصل ہے جبکہ مجھ کو بھی نسبت حضور کی
دل زخم خوردہ ہوتا ہے اور لب پہ ’امتی‘
امت پہ اپنی دیکھیے شفقت حضور کی
فرما دیا ہے رب نے صراحت کے ساتھ یہ
واجب ہے ہر بشر پہ اطاعت حضور کی
اقصی میں سب رُسُل کی امامت کی آپ نے
کتنی تھی پیاری رب کو امامت حضور کی
’لا يُؤمِنُ‘ سے سب كو ملا ہے یہی پیام
ایمان کی نشانی ہے الفت حضور کی
فیضان رب سے خوب وہ آباد ہو گیا
جس دل میں بس گئی ہے عقیدت حضور کی
کرتا ہوں صبح و شام درودوں کا اہتمام
محبوب ہے فقط مجھے مدحت حضور کی
اظہرؔ گناہ گار ہوں لیکن امید ہے
روز جزا ملے گی شفاعت حضور کی
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
