بخشش کا مہینہ
فونٹ سائز:
یہ تحریر سنئے
مطالعہ کا انداز:
بخشش کا مہینہ ہے، یہ ہے موسمِ احسان
ہوتا ہے ہر اک لمحہ یہاں خیر کا فیضان
آؤ ذرا ہو جائیں گناہوں پہ پشیمان
اللہ سے جُڑنے کا مہینہ ہے یہ رمضان
یہ قدر کی راتیں یہ عبادت کے ہیں ایام
اسلام کی لذت ہے، مہکتا ہوا ایمان
گردوں سے اترتے ہوئے جبریل و ملائک
اس قدر کی شب پر سبھی راتیں ہوئیں قربان
رمضان کی عظمت کو یہی بات ہے کافی
اس ماہ مبارک میں نبی کو ملا قرآن
دروازے جہنم کے سبھی بند ہیں اس میں
چوطرفہ کھلا رہتا ہے جنت کا دبستان
سب چھوڑ کے کھانا ہو یا پانی ہو یا شہوت
رہتا ہے فرشتوں سا زمینوں کا یہ انسان
روزوں کا صلہ رب کو ہی معلوم ہے کاشف
جو روزہ رکھیں، خلد کے ہوں گے وہی مہمان
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
