نہیں ہے موت تو بے کیف زندگانی ہے

کلام: محمد وسیم مخلصؔ28 ستمبر، 20261,398قارئین1 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

فل اسکرین دیکھیں

سخن وروں کو یہ کیوں ہم سے بدگمانی ہے

یہ شاعری تو نہیں دل کی ترجمانی ہے

بدن کے گھاؤ بھرو،دل کے گھاؤ رہنے دو

ستمگروں کی بہت خاص مہربانی ہے

میرے لگائے ہوئے باغ اب بھی سونے ہیں

یہ کیسی مجھ سے پرندوں کو بدگمانی ہے

تیری نظر کی بہاروں سے دن مہکتے ہیں

یہاں پہ صرف محبت کی حکمرانی ہے

ہوئی ہے مرد سے منسوب پھر بھی عورت ہے

یہ نسبتوں کی امانت تو لن ترانی ہے

اگر ہے زیست پسِ مرگ تو وہ مرگ نہیں

نہیں ہے موت تو بے کیف زندگانی ہے

تیری نظر کی تمازت سے سوکھتا ہے بدن

مروتوں کو بہت تجھ سے سرگرانی ہے

نہ دیں گے جان نہ بیزار ہو کے بیٹھیں گے

ہمارا تجھ سے سروکار درمیانی ہے

کہو تو سونپ دوں مخلصؔ وفا کی لاش تمھیں

گئے دنوں کی فقط اک یہی نشانی ہے

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔