شکوۂ درد نہاں

کلام: خبیب حسن مبارکپوری7 مارچ، 20191,724قارئین5 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

گلشن کی یہ ویرانی دیکھی نہیں جاتی ہے

غنچوں کی پریشانی دیکھی نہیں جاتی ہے

ہر صبح ہے صبح غم ہر شب ہے شب ماتم

غم کی یہ فراوانی دیکھی نہیں جاتی ہے

صدیوں کی غلامی سے آزاد ہوئے پھر بھی

یہ فطرت زندانی دیکھی نہیں جاتی ہے

اس دور ہلاکت میں بے بس ہیں تمنائیں

جذبوں کی یہ قربانی دیکھی نہیں جاتی ہے

سوئے گا تو ڈوبے گا لہروں پہ بٹھا پہرے

دریا کی یہ طغیانی دیکھی نہیں جاتی ہے

طوفان کےخطرے سے یکسر جو ہوئی غافل

امت کی تن آسانی دیکھی نہیں جاتی ہے

پھولوں کو مسل کر جو خوشبو کا بنا تاجر

گلچیں کی یہ من مانی دیکھی نہیں جاتی ہے

اٹھ تھام حسن خود ہی اب ڈور قیادت کی

نا اہلوں کی سلطانی دیکھی نہیں جاتی ہے

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:خبیب حسن مبارکپوری مشق سخن

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu